Klukk

Jæja, Einar Elí selfyssingur og samstarfsmaður á Blaðinu klukkaði mig. Það þýðir víst ekki að skorast undan því.

Hér koma því átta staðreyndir um mig:

1. Ég er óákveðinn, kærulaus og sveimhugi. Mér finnst það æðislegt.

2. Ég er Akureyringur aftur í ættir í móðurætt, en ættaður að austan í föðurætt. Ég hef búið á 15 stöðum um 21 árs ævina.

3. Ég er athyglissjúkur og nota hvert tækifæri sem ég get til að láta bera á  mér. Veit ekki af hverju.

4. Ég þrífst á stressi og virka ekki nema undir álagi. Ef ég er ekki undir álagi er ég latasti maður í heiminum. 

5. Ég hef óbeit á ofbeldi, hernaði, hnökkum, fáfræði og Breiðholtinu.

6. Uppáhaldsmaturinn minn er frönsk pylsa með flösku af Cocio, eða búlluborgari með Bernaise. Svona í skyndibitanum alltént.

7. Ég get ekki ákveðið mig hvort ég hata eða elska lífið. Yfirleitt elska ég það þó.

8. Ég er heimsins lélegasti bloggari eins og sjá má. Á þessum góðu sumardögum finnst mér skárra að sitja úti með kalt hvítvín og njóta kvöldsólarinnar en að blogga um heimskuleg mál.

Athugasemdir

[Inga Dagný Eydal, 17.7.2007 kl. 16:14]

Ha ha, vissi allt þetta um þig nema eitt (enda veit enginn meira um þig en ég!): Hvað er Cocio?  Búlluborgari Bernaise í kvöld?